August 7, 2018

August 7, 2018

August 7, 2018

Please reload

Recent Posts

搬家前為狗狗作的準備

March 12, 2020

最近一直想寫少少同犬隻行為或訓練相關既野,不過一直都無乜靈感唔知寫乜好。因為有客人問野,咁就有喇,亦都係一個好耐之前已經想分享﹑但拖拖下就無左件事又唔記得左既話題…… 就係:我黎緊準備搬屋,我可以為狗狗點樣作預備?

 

好多人都會用人既角度去諗,我而家搬大屋喇,環境好好多喇,狗仔一定會變得好開心。呢樣野可能係正確的,不過絕對會係等佢完全適應新環境後先有可能發生。搬屋,對於好多狗來講係一件極大壓力既事情,經驗中有差唔多一半既狗狗會因為搬屋而引發唔同程度既分離焦慮問題。

 

有部份主人陪伴得比較好或者狗狗本身適應力比較多,過左一段日子就自行恢復;亦都有一部份因為突發既壓力引致過份同長時間的焦慮,變成真正既分離焦慮症。亦都有一部份既狗狗係因為搬屋後情緒崩潰而出現左本身無既各種攻擊行為或者加強左本身已有既攻擊行為。

 

今次唔係講點樣處理,去到出現問題要處理往往就好煩同埋人狗都辛苦。今次要分享既係搬之前可以做乜,等狗仔可以更容易更快適應。正所謂預防勝於治療。

 

無論係人定係狗都好,對環境既熟悉程度都係安全感來源之一。可能係氣味﹑可能係唔同野既擺位﹑可能係每一日隔離左右街外會定時定候發生既野… 當所有野都一夜之間唔同晒既時候,佢地既世界會變唔可以再預計,然後焦慮同埋崩潰就好大機會係呢到開始。所以我地一定要盡可能預備一個好。

 

1. 幫狗狗建立安全空間

如果狗狗有用開籠或圍欄,就應該搬屋前一個月無限加強籠/欄內訓練,多少少比佢係裡面食下好野或同佢玩下遊戲令佢愛上 stay 係個欄裡面。總之就用盡方法將欄內空間同物件建立有咁強得咁強既正面聯想。

 

2. 狗狗用開既毛巾/床之類帶有氣味既一定唔好掉,帶埋去新屋。
 

3. 盡量請多幾日假,多少少留係屋企陪住狗仔,等佢習慣左新地方後再慢慢嘗試短暫出門,情況正常就慢慢延長出門時間,等佢習慣係新地方獨留。離開前可以擺低少少佢好鍾意既食物或漏食玩具比佢打發下時間。

 

4. 可以將落腳點 set 係角落或比較細既空間開始。等狗狗適應左小範圍後,再漸漸加大佢地自由走動既範圍,咁樣都會間接協助到狗狗去適應新環境。

 

5. 如果留意到新居會比較多鄰居出入﹑或定時定候有聲音會令狗狗緊張的話,請盡量係請假陪伴既時候搵出晒。準備定好日都唔會有得食既超正小食或好好玩時遊戲,當果種聲音出現之後就請佢食野﹑同佢玩。盡量利用現實機會將聲音同最美好既事物做聯想。

 

6. 萬一發生有因焦慮而起既破壞/亂去廁所既情況,當唔知就好,千祈唔好打鬧罰。

 

7. 雖然話多請假陪伴,但都唔需要顯得對狗狗特別寵愛,只需要若無其事咁係屋企出現就得。主人既角色就係提供安全感來源同埋觀察每日既環境有無野會 trigger 到狗狗。

 

8. 如果有必可以使用 supplement 輔助狗狗放鬆,亦都有助加速適應。含有 L-Theanine 既小食/CBD Oil / Adaptil / Pet Remedies 之類既野都係好好既選擇。

 

如果可以係搬屋前一到兩個月開始無限加強欄/籠內訓練的話,基本上狗狗搬到新家後用返同一個 setting 會好快就安定到落黎,就算佢地驚都好,都可以有一個即時提供到的 safe place 比佢地自行冷靜。

 

我諗今日既分享係咁上下喇。如果狗狗不幸出現分離焦慮症既蹟象,請盡早請教專業人士協助,唔好拖。

 

Please reload

Follow Us
Please reload

Search By Tags