Email: ask@bambiland.hk                                           Mobile | Whats'app: +852 9223 8817 

Address: 荃灣德士古道120號安泰國際中心2604室 (停車場入口:馬角街)

  • Facebook Basic Black
  • Whatsapp-512
  • Black Instagram Icon

August 7, 2018

August 7, 2018

August 7, 2018

August 7, 2018

Please reload

Recent Posts

柴犬個性簡介

August 7, 2018

 

 

柴犬係其中一種原生犬種,整體DNA排列結構同狼都係咁多犬種之中最接近狼。加上日本人鍾意保留原汁原味的柴犬,無論行為上或外觀上,所以柴犬係保留左好多狗應有既本能行為;有唔少既性格特質都會係相對原始比較野性。亦有好多人話柴犬唔適合新手,其實養柴犬你需要既係好事前預備同埋大量訓練﹑社交化,如果係一個肯學肯試既新手,絕對比一個唔願改變既所謂老手來得理想。

 

一般無論你睇邊到既大型狗會,對柴犬既描述大致都係:忠心﹑勇敢﹑威武﹑穩定。不過睇下就算喇,因為睇完都唔知到底係乜亦唔係實際既野。

 

*個性*

有人話柴犬比較倔強,其實只係柴犬需要更多既訓練去令佢地變得穩定。

 

一隻正常既動物,係面對威脅/恐懼既事物果陣,一般會有兩個基本選擇:逃走或攻擊令對方逃走,目的在於拉遠距離。柴犬算係個性比較剛強既狗,普遍都會選擇以攻擊作為呢個手段。相反其他牧羊類或工作犬類既狗,係漫長既選擇性繁殖後,一般專業繁殖者都會揀比較離開現場/溫馴既作繁殖。所以易唔易攻擊與否同體型無關。

 

有唔少人話柴犬唔打得,會越打越惡。好大部份都係正確的,因為佢地會比較偏向利用攻擊去處理威脅同壓力。

 

*本能行為*

保護自己資源 (Resource Guarding),一般可以被保護既可以有食物﹑骨頭﹑玩具﹑特定空間﹑異性﹑甚至係主人。呢種行為係野外係佢地生存關鍵,但去到同人類共處就會變成一種問題。保護既意思係,佢地好怕其他人/狗接近佢地所保護既野,一旦接近就會視之為威脅,然後攻擊。

 

一般護野的行為理應係所有犬種甚至貓都會有的,但有部分因爲人為繁殖既關係就可能無左或變得比較弱。不過柴犬係呢方面既本能保留得比較強,所以都有好大部份既柴犬或多或少會有呢個傾向甚至真係護緊。正常的,一般只要利用適當手法去處理,單純的 resource guarding 係最直接容易處理的攻擊行為。

 

護野可以好輕微﹑亦可以好嚴重好恐怖。最好當然係佢未有問題或只有輕微傾向時進行預防式訓練,會輕鬆簡單得多。

 

另外一樣比較麻煩既本能行為,就係肢解獵物 (Carcass Disecting)。如果你買左隻毛公仔或比佢發現梳化裡面係有野可以扯到出來,佢地真係會好鍾意咁玩的。呢個亦係好多人覺得好困擾既問題。

 

最後就係柴犬係遊戲之中,會重演練習大部份捕獵同交配所需要既本能行為:追逐﹑撲咬﹑摔角﹑拉扯﹑騎乘等等。所以柴犬玩耍時會相對地粗魯。

 

柴犬 BB 階段利用輕咬去開始互動 (play bite) 基本上一定會遇到;但呢類咬絕對不帶任何攻擊性而且係友善的,只要及早了解並利用正確方式應對,基本上問題還未成形就可以被引導到正確的行為模式。

 

*社會化*

柴犬比其他犬種需要更大量時間去做社會化。普遍既柴犬都會對陌生人同陌生狗不太友善,需要好大量社會化先會變得穩定可靠。假如咁唔好彩你養到一隻對聲音或移動物體敏感的柴犬,請務必及早處理。

 

*日常照護*

柴犬普遍對於身體接觸係比較敏感的。摸頭﹑摸後頸﹑捉手腳﹑抱起﹑剪指甲﹑身體檢查等等… 不過一般主人如果能正確認識犬隻肢體語言,基本上好多問題都可以避免。當然最理想係多做社會化及減敏類別的訓練。

 

因為無特別大綱,所以寫到咁上下先。有乜野需要補充或漏左既,大家都可以提提我~ 感謝。

 

假如係養其他細型狗或性格比較弱的犬種,就算唔識留意肢體語言都唔係大問題,但養柴犬既最好一定要識睇。好多大問題既爆發,都唔係一朝一夕,而係狗仔長久以黎用左溫和方式表達但一直被無視,去到最後先會直接爆發的。

Please reload

Follow Us
Please reload

Search By Tags
Please reload

Archive
  • Facebook Basic Square