我該如何制止我的狗吠叫或咬人?

呢個我諗都係好多人想問,好多人已經上網問左,或大部份搵我做訓練既主人一開始都好急問既問題。 不要問「我應該點樣制止佢吠」﹑「我應該點樣停止佢惡」,試著問「佢點解會吠」或「佢點解要咬人」。 撇除特登教到佢吠或咬人既情況,好大部份既吠叫或攻擊都係反映情緒既行為。要係佢地激動到吠叫或作出攻擊時,要佢冷靜唔可以郁,一來唔係太實際,二來就算比你做到都未必會係一件好事。 情緒出現,就必需要抒發,假如你用高壓強硬手段封左呢個 outlet,佢自然會係第二D 地方出現。可能係變左其他行為問題﹑或精神疾病﹑或用身體疾病去反映。人類都有的,身心症,Psychosomatic disorder,都係因為心理因素而生既健康問題,做任何檢查都做唔到但佢的確會有問題。 養狗,你講緊既係同另一物種相處。你需要去了解佢地,理解佢地既習性行為模式。假如你明白佢點解會吠﹑會咬,咁你就算唔識得幫佢處理,都應該可以用常識去避免或者幫佢抒緩一下。 經常見到有養細狗的因為狗吠,走去幫佢戴口罩﹑彈嘴﹑大聲鬧等等… 結果到最後換黎既都係越來越衰,主人都越來越激氣。 亦都有唔少護食護物既主人,企圖用懲罰打罵方式,宣示主權又好,宣示地位又好,諗住罰到隻狗唔敢咬人又好,諗住話比佢知咬人唔岩都好,搞搞下到最尾係越來越差的。當然有部份個性較弱既狗係會屈服。 有時我會寫好多知識上概念上既分享,都唔代表你問乜我都可以完全免費解答或上網話你知的。特別係有攻擊性或驚慌既狗,就咁講的話係好唔負責任既事。 一來我唔知隻狗個情況,二來我就算問主人,佢都未必真係知道隻狗個情況。 假如你既狗有唔同既行為問題困擾緊你,而你唔識處理又唔係太理解佢地的話,請

狗狗突然狂奔亂跑?

間唔中都會有人問:「我隻狗成日好似上左電咁係屋企橫衝直撞,有無問題架?」 呢個現像其實都有個學名的,叫做 Frenetic Random Activity Periods (FRAP),指既係狗狗訓係到好地地,突然好似上左身一樣狂跑﹑狂跳﹑狂咬野﹑狂轉圈等等… 總之就係突然做出一連串好誇張既活動,持續時間可以由分零鐘到幾分鐘不等。 點解會出現 FRAPs?因為狗仔好多時所謂的放電不足,即係刺激不足,太悶佢就會利用呢個方式自行放電。假如你同佢有足夠既運動量﹑家居環境豐富做得好,佢身心刺激都足夠既時候,就會比較少有呢個現像出現。 FRAPs 本身係正常﹑完全無問題而且係一個健康既釋放方式。不過有部份狗係呢段期間,會亂咬屋企野的,或者對於屋企細同狗狗體型較大既朋友來講,有時都會係一個困擾。 假如想減少呢類情況從而減少對家居既破壞,一般都係做返足身心刺激就夠。 體能上既刺激… 好簡單,即係跑下步﹑玩下接波執野,總之就要佢唔洗用腦地跑來跑去消耗體力。 心理上既刺激… 主要係放狗時比佢多聞唔同既野,或者係屋企同佢玩下聞野搵食既遊戲,又或者比藏食玩具比佢地自己解決問題搵食,已經好好了。得閒同佢地做下有一定難度既訓練都係一個好理想既心理刺激。 FRAP 係正常,但當 FRAP 好經常地不斷出現或者開始左狗仔好難停落黎,咁就要留意了。到時你要睇睇到底佢係太悶引發 FRAP,定係因為其他精神病症如強迫症等等令佢不能控制地作出呢類行為。 不過一般比佢地亂跑亂轉都無傷大雅~大家拎起手機拍下片仲好。

屙尿。

特別鳴謝:Austin 訓身演出經典屙尿場面。 今日想講既係屙尿既問題,亦係好多新手﹑中手﹑老手主人經常會關心既問題;亦係攻擊問題以外最經常令主人想搵 trainer 既原因… 今日講既唔係訓練方式,而係唔同既屙尿。 正常既屙尿,可以分為三種:「堅系屙尿」﹑「興奮到瀨」同埋「霸地盤式 Marking」。 堅系屙尿即係… 急就要屙,無野可以唔明。而 marking 就係一種地域性既行為,可以係霸地盤﹑亦可以係話比同類知自己係呢到出現過既方式。一般都係聞一聞有味,然後就屙返少少。所以主人成日話:「佢屙清無晒尿唔會再屙架喇」,呢到只係岩左一半,佢的確唔會再屙尿,但佢一樣會 marking。過份沈迷 marking 既狗係無晒尿﹑屙到出晒血都仲可以 mark 緊。 一般教式佢屙尿,唔代表已經教識埋佢要係正確位置 mark,係兩樣野來的,但教法基本上一樣,只係佢地係兩樣野所以要分開教兩次。 至於興奮到瀨,一般係未成熟既幼犬都會有的,但正常一歲多就會慢慢減少同消失。假如狗狗去到兩三歲都依然有呢個情況,就可能要帶去睇醫生檢查了。假如只有全部主人外出後返屋企時先會興奮到瀨,就要留意會唔會係分離焦慮既問題。 跟住講下「屙錯尿」。對於狗來講沒有對錯,只係對人來講先有對錯。不過一般屙錯尿都可以又分幾種原因: 1. 真係未學識屙而屙錯 一般幼犬或無學過室內去廁所既狗,真係可以唔識的。而你要做既純粹係諗辦法幫佢設計一個點樣屙都一定岩既環境同埋規律,然後把握正確既機會進行大獎。重覆就會成功。做錯就當無事發生。 2. 尋求主人關注 有部份狗主人完全無做任何 enrichment 亦都有時會完全無時間理佢。當

超簡易神經傳遞簡介

腦裡面或神經裡面既訊息傳遞係靠電力的,然後神經與神經之間就主要靠 電 — 化學物質 — 電 咁樣既形式將訊號傳去下條神經。而呢類化學物質就叫做神經傳導物 neurotransmitter。 一般正常人或動物,遇到唔開心或挫敗,佢地係可以好快自行調節就回復過來。但對於有問題既人或動物,佢地好多時會係傳導物呢部份出問題。令佢地唔夠能冷靜落黎﹑或者唔能夠放鬆﹑或者唔能夠感受到開心或被愛既感覺之類… 總之係情感部份就有少少異常,就等於你熱氣會便秘一樣,係機能上有少少問題。 咁傳導物本身又有好多種類,然後傳導時會出問題既地方又可以分為:釋放量不足﹑接收有問題﹑或回收重用出左問題。 對人複雜好多… 但係狗仔黎講,藥物輔助訓練其實只係利用藥物將狗仔既狀態回復到一隻類似正常既狗,再利用訓練方式等佢學習調節應對問題情境。不過同人一樣,極多真係有需要既主人一聽到藥就會走了,會覺得你話我隻狗痴線。不過要係香港睇獸醫行為學家,或者搵外國的做遙距咨詢其實都唔太平的,起碼比單純訓練貴。所以折衷地我入左隻比較好的 CBD Tinture 去幫呢類狗放鬆少少。 枝野除左幫動物放鬆,其實仲有好多好處… 長久服用的話,有腦退化既狗或者受關節不適影響既狗都會有幾好既幫助的。 多用途 CBD Tinture,有興趣既朋友歡迎去下面連結了解或預訂,感謝。 https://www.bambiland.hk/product-page/herbal-fracture-cbd-pet-tinture-1200mg

精神疾病有感…

諗左好耐,都係決定寫少少野。畢竟自己曾經係呢個專業,而且同我而家既專業都可以有關。 (人段) 今日有一個非常唔好既消息,願往者安息。不過一位名人既一跳,亦都可能係一個令大家反思既機會。 精神類疾病,係亞洲地區往往都因文化同傳統同各種原因,都令病者受到唔同種類既歧視,無論係自己對自己既歧視或外在對自己既歧視。 係華人地區,一句好出名既鬧人方式:「你神經病!」「你都痴撚線!」就令到人覺得精神病係痴線﹑係唔好既事。其實大腦都係器官,病左就係病左。好多人有性病都會求醫,但反而有精神病就唔敢求醫,往往就係基於好多既文化枷鎖。 另外,普遍人亦唔願意了解同接納人真係會有精神上既疾病,呢個係病,同樣係大腦或身體機能出現問題既病。好多人只會怪病者「唔識諗」﹑「諗埋一邊」。如果只係諗埋一邊,咁就唔係病了。 自我歧視﹑被人歧視不了解都唔夠,仲有一樣叫做幫兇既野,就係無限正能量正向地叫人睇開少少,明天會更好。基本上呢類說話往往都會係觸發精神病患自殺自殘既原兇。但好多人覺得比多少少正能量病者,就可以令佢地抵抗負面情緒。其實最痴撚線既就正正係呢班自以為正常但無知既人。 精神病不可恥,無知仲要扮知先係最值得被恥笑。 (狗段) 講完人,到狗。人有精神疾病,都仲可以自行求醫﹑自行諗法子,到頂唔順都仲可以決定自行了結,所有野都仲有選擇。但狗呢? 係今時今日,狗隻因為過往經歷或身體原因出現不正常既焦慮﹑恐懼甚至崩潰,佢地係無選擇的。主人唔理就係唔理,主人選擇唔學就一世都係咁了。 更甚既係,好多眼見明顯已經唔係正常模式既狗,都只會被介定係「不服從」﹑「主人不夠強勢」﹑「主人做不到領袖角色」… 人可以自行選擇逃離呢個循

迷信式學習

動物有一種學習方式叫做 Superstitious Learning,中文大約是近乎迷信的學習。意思就是他會不停重覆他「覺得」會讓他得到好處的行為,然後就學會在一個不相關的情境不停做出這個行為。舉個例,假如你的狗很喜歡 sit 或你把 sit 訓練得很好的時候,很多時他都會在你沒有要求的情況下自己坐下等待獎勵。他「覺得」 坐下會為他帶來好事,但事實上他不坐下也會有好事發生的。 學習可以學好的事情,當然也可以學不好的。如果由這種方式學習而來有關驚慌或焦慮的反應,有時會很難被直接辨認出來而且會比較難處理。 舉例,狗狗在室內空間被其他狗攻擊受傷。最正常的想法是狗狗因為這次經驗害怕其他的狗﹑或類似的狗;這部份基本上近乎必然會被學習到,但有時候學習驚慌是一個很隨機的過程,有部份的狗會過份泛化 (over generalise) 那個經驗,讓他會對環境中任何事物都變得敏感,成為驚弓之鳥。這也是創傷後壓力症 PTSD 最可怕的地方。他會把他「覺得」會讓他陷於危險的東西無限加強,然後就跳不出那個框框。 假設以上的狗在被攻擊時,剛好在一個擁有沙發的室內,附近剛好有一個穿著長褲的男主人,環境剛好有點雜音;這隻狗有機會對這些事情都產生極危險的聯想,可以一樣也沒中,可以是其中一兩樣,可以是全部,還可以只是這些東西的部份特徵… 這種躺著也中槍的就叫 superstitious fear。所以有時狗在一兩次被攻擊或被打後,就會對很多奇怪的東西或本身沒問題的都變得敏感驚慌;或因某些經驗而變得對所有室內環境都不問因由地感到焦慮恐懼。 我也不知道在說什麼了,有點混亂,看得懂的就懂吧,緣份啊~ 畢竟 supers

Barrier Frustration

今晚做左另外一個行為咨詢既個案… 背景各樣唔多講了。狗狗因為某原因,突然變得非常興奮,對街外好多野都好似發現新大陸一樣;然後見到狗,佢會興奮到不得了。然後因為早前講過既 barrier frustration 影響,令狗既表現變得好似好凶惡好唔友善。然後主人就驚左見到其他狗了。 雖然今晚無做到直接接觸其他狗隻既測試,只係做到近距離停留,但睇狗既反應同埋肢體語言都係非常輕鬆開心的。 一直都話學識睇狗既肢體語言係應該每個主人都要多學既野… 一黎因為可以盡早留意有乜野影響緊狗仔令佢地不安;二黎唔會因為一部份既行為誤會左狗仔既狀態。 雖然好興奮非常粗魯都唔係太理想既事,但呢方面絕對可以利用唔同拖繩既技巧令佢地進步… 如果有部份主人唔理解然後利用體罰等方式進行糾正,其實好陰公的。狗仔只係太開心所以失控,我地要佢學既係點樣可以更斯文地進行佢想做既野,而唔係罰到佢唔敢做。 BTW 最近留意到有唔少養大型犬隻既狗主其實拖繩方式有少少唔正確,咁樣好易被一野扯低同埋好易拗柴的。有空大家都應該多留意呀…

犬隻肢體語言 (附影片)

成日講 body language... 其實識睇真係幾重要。上網講 body language 既好多都係得相,睇完都未必知道做緊乜或點樣先算係。剛剛睇 YouTube 無意中搵到條好片,有埋影片 demo,咁就易睇易明好多好多了。 好多野都係大問題既早期先兆,只要及早留意,就可以避免日後既大問題,更重要既係可以係你隻狗開始叫救命時盡快幫幫佢,等佢唔洗成日陷於好痴線既局而。 睇 body language 係要睇個 trend,會唔會越來越多或越來越少。有人會捕風捉影見到佢做左一兩樣就話佢好緊張好大獲,又或者睇張相就話佢乜乜物物一次就好緊張。不過假如佢不停有呢類表現﹑或者一連串成輯相都係咁上下樣,咁就真係要留意了。 有唔少影寵物相的,分享出來覺得表情有趣,但成輯隻狗都係一個典型焦慮樣;唔識既覺得好有趣,了解多少少既狗主就會覺得隻狗好唔開心。 好喇,廢話少講,自己睇片。 呢類行為叫做轉移行為 Displacement Behaviours,有人會叫做 安定訊號 Calming Signals,但呢個叫法係非常誤導的,因為做完係唔能夠令對方安定;亦都唔代表可以令自己本身安定。而且安定訊號聽起黎非常之咁 soft,唔了解清楚的話就咁聽仲以為係好野。 假如叫呢類行為做警告訊號 Warning Signals 可能大家會比較留意。

繼續聲音敏感

今日想講既係對聲音敏感或恐懼,Sound Sensitivity / Sound Phobia。其實兩者係同一樣野,但係程度之分,sound sensitivity 即係對聲音好敏感﹑會非常留意唔同既聲音﹑然後對聲音感到焦慮或緊張甚至少少驚;而sound phobia 的話即係 sound sensitivity 既進階版,係驚聲驚到痴線果種。 有部份狗天生完全唔理聲音或者有適當社會化後,都會對聲音完全無事的;但有一部份就天生會對聲音敏感。而敏感既呢部份,有一部份比較好彩既就只會怕特定聲音,有一部份就會對所有聲音都敏感,呢樣係最難處理的。 如果初養狗仔,無論係 BB 或領養成犬的話,留意到佢地對聲音特別敏感而你屋企又長期有唔同聲音的話,最好就盡快處理。因為呢樣野可大可少,比較忍受到既狗或無其他問題既狗,可能只會比較細膽驚青;但萬一不肯有任何攻擊相關既情況,就會因為聲音惡化得極快而且好唔穩定。 目前主要做既攻擊個案… 差不多90% 都有唔同程度既聲音敏感… 有唔少都係因為狗仔對聲音敏感,主人留意唔到,然後屋企長年都有唔同程度既聲音如街外聲﹑門外鄰居聲音之類… 慢慢就令佢地再唔能夠放鬆。長期繃緊既狗少少野就會爆發了。 最後舉個例… 如果你聽到尖野刮金屬果種高音枝枝聲會起雞皮的話… 你話你好驚果種聲又唔係,但果種聲的確影響緊你。雖然唔係太驚,但假如又有個痴線佬24小時都不停係到刮,果種感覺都幾恐怖的。然而對一隻聲音敏感既狗黎講,個情況就正正係咁樣。 如果有勇士想挑戰的話,戴 headphone 連續播呢條片聽10分鐘試下,包你心跳加速。你聽既只係10分鐘,但對聲音敏感既狗係聽緊一日2

初期護食傾向

尋日有留言甚至幫手唱晒成首少林功夫好既朋友,係咪收唔到 PM 呢?正常的,因為我真係無搞到 auto PM。加上我覺得呢類資訊又唔係驚天大秘密,google 下 screen 下就大把正確答案,何必為左吸引 engagement 又要人留言收收埋埋呢?做得呢類資訊分享就係想多少少人睇到然後知多少少,如果下下都留言先知既,睇到既人數你話少左幾多呀… 有少少本末倒置左。 護食唔洗多講喇,之前我又講過下而且網上真係大把答案。但對於初到家中既狗仔,點樣知佢有護食既傾向﹑或者有將會好大機會有護食既情況? 護食,即係對於有其他人或動物接近自己既食物表現得好緊張,視對方為威脅。點樣先知佢開始緊張? 一般都係睇 body language,睇下佢會唔會開始彊硬定格﹑對眼露晒眼白盯鬼住你﹑胡﹑露牙﹑作勢咬等等… 但係,有一樣野都影響緊狗仔的,就係進食速度。假如狗仔進食時行過或接近,然後佢進食既速度忽然快左或慢左,你離開後又回復正常的話,咁樣基本上佢就一定係對於你接近佢既食物係表現得緊張的。 有部份狗護食時會上到去攻擊,亦有一部份只會停留係改變進食速度呢部份。有時有D狗食野好快,未必真係佢想的,而係主人不自覺令佢緊張左觸發左少少護食既情況都唔定。有唔少都可以透過做簡單減敏或預防護食既練習已經可以明顯減慢食速,效果好過用用慢食碗。 如果你留意到狗仔食緊飯時,有人行過或有聲音都會令佢食得快左或慢左甚至停低埋,咁就要留意喇,呢樣絕對值得處理。一來為左健康,二來都為左佢既幸福著想。試諗下,餐餐食飯都要緊張住咁住唔能夠好好享受餐飯,其實係好痴線的。講緊既唔係一兩餐,如果主人唔處理的話講緊既係人生既每一餐。

怕雷雨 Storm Phobia 應對

早前有人 PM 問狗狗行雷超驚可以點搞… 一般單以訓練去做怕行雷閃電,其實好難。我地可以重覆模擬做減敏既只有閃光同埋聲音;但雷雨前既氣味﹑氣壓變化就完全唔可能模擬到,呢兩樣 precursor 往往好早就令狗開始驚左。當然照做閃/聲既減敏係會有少少用,但唔係咁易的。 一般要幫狗仔行雷時定驚… 都需要靠少少外力;可以分為物理上既或者幫狗仔調節身體裡面狀況兩種… 物理上既即係大家好常聽既 thundershirt 或繃帶大法。呢類透過增加 point of contact 去企圖令狗覺得有安全感既做法作用有限而且唔係隻隻work,如果對外來物件接觸比較敏感既狗,就可能會用完仲差左。 主人去哄下陪下,或比個位佢地自己走避下都係物理性質令佢地增加安全感的做法。 然後就到調節狗狗本身既野… 由溫和到比較勁既大約係咁排。 - 利用 Adaptil collar / diffuser 之類,可以令狗定少少少少。不過效用好細,可能由100分既驚變做95分既驚,係有好到的但未必係可以觀察到既轉變。 - 利用口服 Remedy,即係 Pet Remedy 或 Bach Remedy 之類。都算係溫和既野,但相對地都係比較溫和,但比 Adaptil 之類會好少少。 - 利用口服 CBD,會幾明顯的,但對於好驚既狗都可能仲差少少。 - 最後就係服用藥物,可以向你既獸醫做咨詢,一般獸醫都會有藥令狗仔短暫地比較放鬆的。如果狗仔真係極度驚青既,可以考慮藥物減敏既方式去處理,咁狗仔就可以慢慢係藥物輔助下利用真實雷聲去做減敏。不過呢方面需要搵獸醫行為學家做咨詢,一般獸醫係唔會做或未必識搞的。香港 VB 有 SP

挫敗感 Frustration

今日想簡單講下 Frustration 挫敗感呢樣野。人或者狗點解會有挫敗感呢,好多時就在於矛盾同衝突;可以分內在同外在。挫敗感會為人同狗都帶來好大壓力的,有時甚至壓力大到狗仔有機會以好多奇怪行為甚至攻擊行為去做表達。 外在既好簡單,想做,但因為環境限制令你做唔到。在於狗來講,好多時呢樣野就叫 Barrier Frustration,想去玩又比野限住去唔到﹑想咬人又比野限住去唔到﹑想走又比野限住走唔到… 跟住到內在,主要可以分三樣: 1. Approach-Approach : 即係魚與熊掌二揀一。揀一個就無左另一個,點揀都若有所失咁。 2. Avoidance-Avoidance : 即係屎味既咖哩同咖哩味既屎,一定要二揀一,點揀都會出事。 3. Approach-Avoidance : 呢樣先係最煩,亦係我今日主要想講既野。即係又愛又恨(或驚)。以狗黎講,好多時都會發生係對人或對狗既情境。一般主人對狗仔賞罰分明,即係做錯就狂打狂鬧,做岩又錫到佢痴線的,就好大機會令狗仔有呢個情況發生。因為佢唔會知道呢一次主人接近到底係好定唔好。走開又好似有機會蝕底,走埋去又好似會中伏。呢類情況同時都會發生係好多曾經對人有唔好經驗既狗身上。 有一部份狗本身對人極度驚青而且會作出攻擊行為,但隨住主人悉心照顧或訓練後,佢地會開始學識主人原來都係好好而且好重要的。不過唔理咩原因佢地都仲係非常之咁怕人接近同接觸,只要有人存在或接近就會不由自主地變得好緊張甚至會攻擊。呢個亦都係呢類狗係訓練或康復過程中其中一個非常重要而且良性既階段。不過呢個亦同時係最危險﹑最易出事同放棄既階段。 當狗仔同主人經歷

柴犬個性簡介

柴犬係其中一種原生犬種,整體DNA排列結構同狼都係咁多犬種之中最接近狼。加上日本人鍾意保留原汁原味的柴犬,無論行為上或外觀上,所以柴犬係保留左好多狗應有既本能行為;有唔少既性格特質都會係相對原始比較野性。亦有好多人話柴犬唔適合新手,其實養柴犬你需要既係好事前預備同埋大量訓練﹑社交化,如果係一個肯學肯試既新手,絕對比一個唔願改變既所謂老手來得理想。 一般無論你睇邊到既大型狗會,對柴犬既描述大致都係:忠心﹑勇敢﹑威武﹑穩定。不過睇下就算喇,因為睇完都唔知到底係乜亦唔係實際既野。 *個性* 有人話柴犬比較倔強,其實只係柴犬需要更多既訓練去令佢地變得穩定。 一隻正常既動物,係面對威脅/恐懼既事物果陣,一般會有兩個基本選擇:逃走或攻擊令對方逃走,目的在於拉遠距離。柴犬算係個性比較剛強既狗,普遍都會選擇以攻擊作為呢個手段。相反其他牧羊類或工作犬類既狗,係漫長既選擇性繁殖後,一般專業繁殖者都會揀比較離開現場/溫馴既作繁殖。所以易唔易攻擊與否同體型無關。 有唔少人話柴犬唔打得,會越打越惡。好大部份都係正確的,因為佢地會比較偏向利用攻擊去處理威脅同壓力。 *本能行為* 保護自己資源 (Resource Guarding),一般可以被保護既可以有食物﹑骨頭﹑玩具﹑特定空間﹑異性﹑甚至係主人。呢種行為係野外係佢地生存關鍵,但去到同人類共處就會變成一種問題。保護既意思係,佢地好怕其他人/狗接近佢地所保護既野,一旦接近就會視之為威脅,然後攻擊。 一般護野的行為理應係所有犬種甚至貓都會有的,但有部分因爲人為繁殖既關係就可能無左或變得比較弱。不過柴犬係呢方面既本能保留得比較強,所以都有好大部份既柴犬或多或少

安全感

今日想講下安全感,其實好易明。一個人既安全感來源,好多時在於熟悉既事物。身邊事物都熟悉,對環境變化或預計將來都會比較多參考。不確定性低,安全感自然會高。其實狗都一樣,佢地既安全感好多時都係來自熟悉甚至喜好既事物。好多人都會有隻公仔或有張被,一攬住就感到好安全。狗其實都得。 狗對佢身邊既人﹑事同埋物件熟悉左(中性﹑鍾意;驚既例外),一般都會比較有安全感。有安全感既狗,一般行為都會比較穩定,面對壓力或焦慮都可以處理得更好,亦有更多空間去處理。不過,生活中都有好多情況會令佢地頓時失去安全感來源,例如:病痛﹑棄養﹑寄宿﹑主人或同伴狗過身﹑搬屋﹑居住環境大變(附近有地盤或裝修,甚至自己屋內大執位)等等… 呢堆生活上有時無可避免既野,都有機會令狗既世界一下子由美好變成地獄,因為本身賴以為安全既野一下無晒或變晒,要重新適應。身心健康既狗,一般都會一段日子後自行搵出規律適應,有主人既幫助引導當然會更好。但有部份既狗,會從此返唔到轉頭,會衍生唔同同焦慮相關既行為問題:如分離焦慮症﹑吠叫﹑攻擊﹑緊張﹑處理大小便﹑自殘等等。呢部份既狗如果無適當既協助,有機會跳唔返出自己既框框。 所以假如狗有非常鍾意既野,不論破舊最好都唔好掉。一隻狗一個陌生密室可能好緊張,你比左一隻佢由細玩到大既公仔可能都會好緊張,但會比乜都無好少少;假如你再比多少少呢類野佢,又會再好少少。可以個焦慮係100分變做98分,分別可能唔係好大,但對於狗來講已經多左少少空間去抖氣了。 早前特登做既口罩訓練,或者搵我做上門訓練既狗主,如果有需要用到口罩,一般我都會建議同佢地玩到超鍾意口罩先開始用。一來狗仔會無咁抗拒,二來口罩可以為狗狗增添少

環境管理的重要性

行為改變訓練要成功,基本上一定係要環境管理配合訓練去進行,特別係攻擊行為。只係單靠管理或訓練,比你做到一半效果已經好叻了。有班人會恥笑做管理控制係斬腳趾避沙蟲,唔敢直接面對個問題,去逃避。逃避雖可恥但有用OK? 羅馬唔係一天建成的,而所有行為改變既學習都唔可能一日做成。佢有一個習慣或行為模式都幾個月甚至幾年了,你唔可能要求佢係一日甚至幾日內完全扭轉,假如你可以三日內由零開始學日文學到 native speaker 咁流利的話,你就有資格咁樣要求。但事實係唔可能。 唔管理會點?就會變左一啖沙糖一啖屎。舉個例,護物既,你一邊由零開始慢慢教佢唔洗驚﹑我拎走你隻骨都唔會有問題甚至會更好;但另一方面你又不停係佢真係食緊骨時令到佢緊張到爆錶去攻擊。咁到底你係想佢學唔洗驚定係應該繼續驚? 任何動物學習唔好﹑自保既野一定係快過學好野好多倍的;更何況係一個已經有一段歷史既自保行為。 而另一樣野,就係點解攻擊行為一定一定一定一定要做好環境管理盡可能將 trigger 既次數減到零?因為每次狗一激動進入 fight or flight 的反應時,身體會有大量腎上腺素分泌,令佢地準備好隨時進行 fight / flight 相關既行為。而呢類荷爾蒙變化,一般都需要好幾日平伏先可以完全回復正常水平。假如佢未平伏,又激多次,只會不斷累積,然後狗仔亦會長期處於呢個狀態。 腎上腺素本身會令心跳加速﹑增加肌肉血液供應準備動物隨時做野;然後佢亦都會激活左負責應對威脅既交感神經系統;最後佢仲會令中央神經系統處於一個最適合做出攻擊或逃走既模式。 狗仔唔做好環境管理,就只會越來越緊張越來越敏感易爆;越緊張既狗,學習就會

「冷靜」真的可以被教導出來嗎?

放鬆/冷靜/平靜 (calm / relaxed) 係一種情緒或精神狀態,代表緊無壓力﹑唔緊張﹑不受威脅﹑沒有情緒波動既狀態… 周不時都聽到唔少既訓練師講:你要教你隻狗平靜﹑放鬆… 其實,佢地教緊既只係叫隻狗面對任何情境都唔可以郁:無論係好與唔好既情況都係。開心興奮果陣要坐定定唔準郁先可以有好野;驚果陣要坐定定唔準郁唔準吠乜都唔準做先可以離開或逃走。 一般我地都會建議做好 impulse control 既訓練,即係講緊狗仔係有合理既等待同埋唔可以過份激動;但面對負面既事甚至係受威脅或驚慌既情境就唔太適用了。 狗仔面對威脅,最基本有兩個選擇:打走人或自己走。但呢類既所謂平靜式訓練,係教緊狗仔係任何時候都唔可以走﹑只可以死頂,唔係的話後果將會更陰公。可能會被打鬧﹑可能會被電﹑亦可能會被迫繼續面對唔想面對既野。試諗下一個驚蛇既人,因為唔夠冷靜而被迫繼續同條蛇相處落去直到永遠,果種情境幾咁痴線。 羅馬唔係一日建成的,就算狗仔先天遺傳到比較敏感﹑易於情緒失控,都唔會一黎就直接出事;好多時都係日積月累既既負面壓力久久揮之不去,然後就會開始出現問題。 狗仔係人類最好既朋友﹑狗仔有一個小朋友既智商,呢類冠冕堂皇既說話人人都識講。但當講到原來狗仔都有壓力﹑狗仔都會驚﹑狗仔都有情緒﹑狗仔都有機會被積壓到有問題,就好多人都選擇唔相信,覺得呢個講法係好痴線。無事果陣就當狗係朋友﹑係小朋友;出事果陣就當佢地係機器﹑佢地只係唔夠服從唔夠聽話。 真係愛錫小狗既,請考慮多少少佢地既感受。你有壓力﹑我有壓力;你可以自己有辦法去減壓,但狗就無;就算有都好多時會被禁止。 狗生活唔止吃喝溫飽,精神健康生活質素都好重

聲音敏感的影響

最近做多左室內唔同原因甚至搵唔到原因既攻擊既個案,以前我都唔會特別問,而家開始會問埋:狗狗會唔會好怕聲音或突然郁動既野?同推測一樣原來好多都真係會的。 早前寫左篇有關 Trigger Stacking 既野 (https://www.facebook.com/BambilandHK/photos/a.697681230324458.1073741828.459610990798151/1760063024086268/?type=3&theater),其實都係的。一隻對聲音或郁動超級敏感既狗,好多時佢地隻杯本身已經裝得好滿,所以只要有好少額外佢地唔鍾意既野,就會馬上爆發。甚至個聲音再大多少少咁岩有人企係隔離就會爆發,連原因都好似搵唔到。 如果只係單純護食或護物既個案,其實都唔係太複雜,算係最直接可以處理而難度又唔係太高既攻擊行為問題。不過如果夾雜左其他野,難度就會高好多好多倍。 做任何訓練,都會有一個大致既計劃方向,跟住唔同的參數去執行。單純的護食問題,做完A就B跟住就C,好順利的。但假如夾雜左其他問題,好多時做 A已經有機會比較難入手要退後好多了,然後當你做到 C 好似好順利既時候,突然門外有聲,然後佢就會所有野都錯晒。呢個時候留意唔到唔識停或退的話,狗仔又會由訓練變成多左一次重覆錯誤模式既機會。 一般而家如果知道狗仔會對聲音敏感,我都會選擇集中處理左外在野先,將狗仔整體狀態穩定左再搞其他。可能過程會慢少少,但對主人既安全同埋要求都低好多的。當然同步都會視情況可以開始主要 trigger 的處理,但一定會比正常慢好多好多。 咁樣做並唔係為左 dum 波鐘呃學費,搵過我做訓練既

Recent Posts
Archive
Search By Tags
Follow Us
  • Facebook Basic Square

Email: ask@bambiland.hk                                           Mobile | Whats'app: +852 9223 8817 

Address: 荃灣德士古道120號安泰國際中心2604室 (停車場入口:馬角街)

  • Facebook Basic Black
  • Whatsapp-512
  • Black Instagram Icon