狗對食物完全零興趣?

經常都會有狗主問:正向訓練主要用食物同遊戲做訓練。假如我隻狗對食同玩完全零興趣,應該點做? 首先我地需要理解一隻狗既各種需要係會隨住時間﹑地點﹑身體狀況而改變的。用模擬市民呢張經典既需求表就會好明顯。當狗極肚餓果陣佢一定會揀左食野先,當佢唔係太肚餓但悶到就快痴線,佢就會去左玩。佢呢一刻最需要乜野,好取決於佢本身既興趣同埋佢呢一刻最欠缺乜野。 有部份狗自小可能因為經驗或社會化問題,係會完全對玩樂無興趣的。不過對於一隻身心健康既狗,基本上就算佢唔係非常為食,都唔會話真係對食物係零興趣。 睇到呢到你可能會問:我隻狗真係乜都唔食,甚至連正餐都唔多食,點解? 一隻狗一般會對食物完全零興趣,主要有以下既原因,大家都可以循住呢個方向去搵搵個原因。咁樣對狗既身心都好的。 1. 身體健康問題 一般都要留意狗仔會唔會係健康上出左問題,可以由腸胃﹑牙齒問題到各類病症都會影響狗狗胃口的。如果狗仔剛剛完成左極大量既體力活動,或者係剛注射左疫苗,都可能會影響胃口甚至絕食。 2. 食物對於狗狗唔吸引 有部份狗非常揀飲擇食。可能會有特定肉類唔食,特定質感唔食,特定味道唔食,太肥唔食,太軟太硬唔食… 基本上呢個都需要試的,就同人一樣,喜好既野真係話唔埋。 3. 環境中有比食物更吸引既野 環境中各樣既野都有機會係食物既 competing motivators: 氣味﹑聲音﹑其他人﹑其他狗﹑新環境﹑玩具… 你講得出既都可能會係。如果狗仔非常熱衷其他野的話,幾為食既狗都有機會唔食野的。直至狗狗完全滿足左呢個更強大既需求之後,佢地就會恢復食野。呢個解釋左一半既狗點解出街就唔食野既原因。 4. 太無聊 有部份狗係會比較

食野粗魯

今次轉左用極醜惡大叔常用既背景音樂,感覺親切好多。 頭先有朋友問開野,順便問左個問題:狗仔拎野食時好鬼粗魯。其實應該好多狗仔都會咁的,一來可能天生比較粗獷又無要溫柔,二來可能純粹係 impulse control 既問題。 高登希大部份食物都無問題,係食脫水雞或烚雞都仲未係成日好得,正好用來拍個快片。 片頭有兩種拎食物方式,唔好一來就用兩指拎野食餵,一定痛到HIHI的。 做法其實極簡單,就係比佢食野。條件只有兩個: 牙咬到手/太大力 (自己定),就馬上拎走食物,跟住再餵過。 無咬到/細細力 (自己定),就可以食。 比野食最好係垂低手,再水平走去佢鼻野,唔好直接垂直上落,會有少少幫助的。 做左一陣都ok 左之後,可以每一個 trial 隔10分鐘或以上再做。到時一咬到就收走,直到下一個10分鐘。如果一來就溫柔,就可以比佢食多幾轉當大獎。 慢慢玩,一開頭會痛少少。 :)

Down Stay on Mat

趁今日下晝得閒又有少少精神,繼續拍埋個簡單起手可以做既練習。 個練習 Part II 係做 down stay on mat,即係趴係張墊上面唔離開。用途都廣泛,配合之前 Mat Targeting 的練習,其實可以做到叫佢返去張墊到自己等或係果到玩或食。呢次個 stay 係唔會用任何指令,張墊就係個 stay cue。 至於點解會揀 down stay... 因為終極個duration 會有少少長,所以盡量教佢 down 唔會傷腰。 最好做左上次果個 mat targeting 先,因為會令佢對果個角落同墊有好聯想,會方便D。 Link: https://www.facebook.com/BambilandHK/videos/1568061913286381/ 一般呢樣野配合上次個練習都會用於: 🍻 分離焦慮起始練習 🍻 太痴身想佢學識自己一個 🍻 其他行為問題如按門鐘超興奮或撲人或吠之類 條片一開始其實係教佢係乜情況下都唔好離開張墊就會有獎勵,慢慢佢會愛上留係張墊上面自己玩 Kong or SnuffleMats 之類既野,亦可以慢慢將痴身既情況改善。 做法大約係咁,一組大約做5次,如果100% 成功就去下一步,如果間中失手就做到100%,如果少過50% 就去返上一step 做多5次。 得獎條件係佢留係墊上面唔郁,如果走左重新來過。 ===基本 DISTRACTION=== 1. 拎野食係佢面前1秒﹑3秒 2. 係佢一邊身來回行1步﹑2步﹑3步 3. 做另一邊身 4. 圍住佢行一圈,再做另一邊 ===距離===

Mat Targeting

【#犬隻分離焦慮症】趁下晝得閒又有少少精神,拍個簡單起手可以做既練習。 呢個練習叫做 mat targeting,即係返去佢張墊或床仔,我會要求埋佢係上面 down。呢個練習其實好多問題都好常用: 🍻 分離焦慮起始練習 🍻 太痴身想佢學識自己一個 🍻 其他行為問題如按門鐘超興奮或撲人或吠之類 我呢隻問題少年乜都無學過只係識sit down come,第一次學返墊大約5分鐘就知道「床仔」就係走返上床到坐或趴。當然呢個係開始,有排練。 首先,你要搵一個角落係你想狗仔作為安全地帶既地方,因為我地要將呢個地方同埋佢張床建立一個好強既聯想,就係呢到只會有好事發生。 教學初期我只係用超細粒小食。但做到最後一個trial,可以請佢食d 有排食既野,或比蕭塞滿野的 kong / SnuffleMats 之類比佢係果個位慢慢玩,當然初時係陪住佢玩。咁樣佢會變得更願意係張墊上面逗留同享受自己既時間。當然,之後會進一步將 mat targeting 變成 down stay on mat。 做法大約係: 1. 食物引佢上墊 2. 手勢引佢上墊 3. 手勢/食物引佢上墊再 down 4. 簡單少少既手勢引佢down 5. 講指令, 等一秒, 再引佢上去down

如何決定獎勵食物大小?

一般正向訓練主要會利用食物作為改變行為既學習動力,間中都會利用遊戲去做呢個動力,再間中都會利用動物本身已經有既行為去做獎勵。 不過對於學習新行為﹑或比較靜態既行為﹑或需要大量重覆先學得識既,一般都會用食物。利用食物有以下好處: -可以快速重覆 -簡單直接 -可以係動物處於靜態時作為獎勵 試諗下,假設我要由零開始教識一隻狗剛剛夠晒聽指令就 sit,最少都要重覆5-6十次,但如果要做一個穩固既訓練,可能最少一個 session 都重覆到一兩百次,長久以來可能要重覆成幾千次先會相對穩陣。如果我係利用拋波或扯大纜作為獎勵,我諗係狗學識之前,我隻手會率先頂唔順。 至於點樣揀食物?當然首要就係揀隻狗鍾意食既,佢地先會更願意為左得到獎勵而作出行為上既改變。咁大細呢?有無人覺得狗要越大舊越多越好? 其實狗食野係狼吞虎嚥,食物係佢地口中停留既時間相對短。所以佢地會 prefer 食既次數多,多過大大舊。上面張圖係原先果舊鹿肉乾,下圖我將佢剪開左做3個 size。 一般做需要不停重覆既訓練(學習新行為﹑或改變現有行為模式),我地會選用狗狗剛剛好可以一啖就吞,唔需要咬既大細同食物(以我兩隻黎計係下圖最右)。咁樣就可以更快進行下一次重覆練習。當食物太大舊,佢需要咬好耐先食到的話,一來你需要更長時間先可以再重覆,二來狗仔好快會失去耐性。 假如你係做緊聯想類既訓練(改變狗狗對一件事既情緒反應),咁就要揀d 超正,大件少少既野食喇。咁樣佢地個聯想會鮮明好多。因為呢類練習唔需要不停快速重覆,所以如果用既野太過沽寒,反而會阻礙學習既成效。 睇完咁大段字,大家識揀未? 正向

Recent Posts
Archive
Search By Tags
Follow Us
  • Facebook Basic Square

Email: ask@bambiland.hk                                           Mobile | Whats'app: +852 9223 8817 

Address: 荃灣德士古道120號安泰國際中心2604室 (停車場入口:馬角街)

  • Facebook Basic Black
  • Whatsapp-512
  • Black Instagram Icon